Arber Zaimi

Lavd i hijes së naltë

In Përkthime, Vjersha on 6 Nëntor, 2014 at 13:09

 

Mahmood Darwish

 

The Red Wedge, 1919, Kasimir Malevich

The Red Wedge, 1919, Kasimir Malevich

Për ty është të jesh a të mos jesh

Është të krijosh a të mos krijosh

Gjithë çështjet ekzistenciale përtej hijes tënde janë farsë

Dhe univers është fletorja jote e vogël, e ti je krijimtari i saj.

Pra shkruaj në të parajsën e gjenezës,

Ose mos e shkruaj,

Ti, ti je çështja.

Çka do ti?

Ndërkohë që marshon prej legjendës në legjendë?

Një flamur?

E ç’të mirë sollën ndonjëherë flamujt?

A e kanë mbrojtur ndonjëherë qytetin prej shrapnelëve të bombave?

Çka do?

Një gazetë?

A do mundnin gazetat të nxirrnin zogj nga vezët, apo të mbrunin qoftë dhe një thërrmijë?

Çka do?

Policinë?

A e di policia se kur do të mbarset dheu i vogël prej erërave që po vijnë?

Çka do?

Sovranitet mbi hi?

Ndërkohë që ti je i zoti i shpirtit tonë; padron i ekzistencës sonë të gjithëndryshueshme?

Largohu pra,

Se vendi nuk është joti, nuk janë të tuat as pirgjet me plehra.

Ti je liria e krijimit,

Ti je krijuesi i rrugëtimit,

Dhe ti je antiteza e kësaj epoke.

Pra largohu

I varfër, si një lutje,

Këmbëzbathur, si një lumë në një shtrat me shkëmbinj

Dhe i grisur, si një rreckë. Ti, ti je çështja.

Pra largohu drejt vetes,

Se ti je më i gjerë se vendet e njerëzve,

Më i gjerë se hapësira në një gijotinë.

Pra largohu drejt vetes,

I dorëzuar përballë urtësisë së zemrës tënde,

Duke përbuzur qytetet e mëdha dhe qiellin e vranët

Dhe duke ndërtuar një tokë nën pëllëmbë – një tendë, një ide, ose një thërrmijë.

Pra nisu për në Golgotë,

Dhe kacavirru me mua.

Që t’ia kthejmë shpirtit të pastrehë fillimin e vet.

Çka do?

Se ti je padron i shpirtit tonë,

Padron i ekzistencës sonë të gjithëndryshueshme.

Ti je padron i hirit

Padron i flakës.

Sa i gjerë revolucioni,

Sa e ngushtë rruga

Sa e madhe ideja

Sa i vogël shteti!

Reklama

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google

Po komentoni duke përdorur llogarinë tuaj Google. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s

Këtë e pëlqejnë %d blogues: