Arber Zaimi

Posts Tagged ‘N. Hikmet’

Si Qeremi

In Përkthime, Vjersha on 13 Shkurt, 2017 at 16:36
Dorothea Tanning - Stuhi në të verdhë, 1956

Dorothea Tanning – Stuhi në të verdhë, 1956

Nazim Hikmet

Ajri i rëndë si plumb

Bërtit
Bërtit
Bërtit
Unë po bërtas!

Vrapo!
Unë po të thërras
Të shkrijmë plumb.

Ai më thotë:

– Hej! Ti ke për t’u bërë shkrumb e hi prej zërit tënd!
Që djeg
Që djeg
Si i Qeremit
Që djeg

“Kaq shumë brenga
E askush për ta ndarë vuajtjen”

Veshët e
Zemrave janë
Shurdhuar…

Ajri i rëndë si plumb…

I them atij:

– Lërmë të digjem shkrumb e hi
Bash
Siç
Digjet
Qeremi.

Nëse unë s’digjem
Nëse s’digjesh ti
Nëse ne nuk digjemi

Po si do të arrijë drita
Ta mposhtë errësirën?

Ajri shtatzanë si toka.

Ajri i rëndë si plumbi.

Bërtit
Bërtit
Bërtit
Unë po bërtas.

VRAPO
Unë po të thërras
Të shkrijmë plumb…

 

1930

Reklama

Don Kishoti

In Përkthime, Vjersha on 29 Maj, 2015 at 14:27
Dulcinea, 2000 - Bruno Liberti

Dulcinea, 2000 – Bruno Liberti

Kalorësi i rinisë së përjetshme
dëgjoi, thuajse pesëdhjetëvjeçar
ligjin që i rrihte në zemër.
U nis një mëngjes të bukur korriku
për të ngadhnjyer të bukurën, të vërtetën, të drejtën.
Para tij qe bota
me gjigandët e saj absurdë e të pështirë
poshtë tij Rosinanti
i trishtë e heroik.

E di
kur të rrëmben ky pasion
dhe zemra kur e ka një peshë të paanashkalueshme
s’ke hiç se çfarë t’i bësh, Don Kishot
s’ke ç’t’i bësh hiç
është e nevojshme lufta
kundër mullinjve të erës.

Ke të drejtë ti, Dylqinja
është gruaja më e bukur e dheut
sigurisht
duhet t’ua bërtisje në fytyrë këtë fakt
tregtarëve të vegjël
sigurisht
do të duhej të të hidheshin në fyt
e të të mbulonin me shkelma

por ti je kalorësi i pamposhtur i të eturve
ti do të vazhdosh të jetosh si një flakë
në koracën tënde të rëndë e të hekurt
dhe Dylqinja
do të jetë më e bukur, secilën ditë.

Nazim Hikmet